Դեսպանություն

2021/9/14
大使写真
1.  ՀՀ -ում Ճապոնիայի Դեսպան 

Այս տարվա ապրիլ ամսին՝ նշանակվելով Հայաստանում Ճապոնիայի արտակարգ և լիազոր դեսպան, 36 տարի ընդմիջումից հետո կրկին այցելեցի Հայաստան։ Արարատ լեռան և Սևանա լճի գեղեցկությունը նույնն են, ինչ այն ժամանակ։ Սակայն քաղաքի պատկերն ու մարդկանց կյանքը զգալիորեն փոխվել են:

Չնայած Ճապոնիայի և Հայաստանի միջև մեծ հեռավորությանը, երկու երկրներն էլ ունեն հին պատմություն, հարուստ մշակույթ, ինչպես նաև բազում այլ ընդհանրություններ։

Առաջին հերթին, ես ցանկանում եմ ծանոթանալ ներկայիս Հայաստանին և հայ ժողովրդին՝ Ճապոնիայի հետ հարաբերությունների ամրապնդման նոր ուղիներ գտնելու համար:

Ցավոք, ներկայիս համաճարակի ազդեցության պատճառով երկու երկրների միջև փոխհարաբերությունները նվազել են։

Հաջորդ տարի կլրանա Ճապոնիայի և Հայաստանի միջև դիվանագիտական ​​հարաբերությունների հաստատման 30-ամյակը, և ես պատրաստվում եմ միջոցներ ձեռնարկել փոխհարաբերությունների աշխուժացման համար:

ՀՀ նախագահ պարոն Արմեն Սարգսյանի այցելությունը Ճապոնիա՝ Տոկիո 2020 Օլիմպիական խաղերի բացման արարողությանը ներկա գտնվելու համար և նրա հանդիպումները Ճապոնիայի քաղաքական, տնտեսական, մշակութային ոլորտների բազմաթիվ ղեկավարների հետ, նույնպես մեծապես կնպաստեն ապագայում երկկողմ հարաբերությունների զարգացմանը:

Տեղյակ ենք, որ Հայաստանը ջանքեր է գործադրում անցյալ տարի տեղի ունեցած պատերազմի վնասների և հետևանքների վերացման, ինչպես նաև նոր կորոնավիրուսային վարակի կանխարգելման հետ կապված մարտահրավերների լուծման ուղղությամբ: Ինչպես անցյալում, այժմ ևս Ճապոնիայի կառավարությունը կշարունակի տրամադրել տարատեսակ օժանդակություններ, որոնք անհրաժեշտ են Հայաստանի կառավարությանը՝ այդ մարտահրավերները հաղթահարելու համար։

Որպես դեսպան՝ ես ցանկանում եմ անել հնարավորը Ճապոնիայի և Հայաստանի միջև հարաբերությունների ընդլայնման համար, ուստի շնորհակալ կլինեմ Հայաստանի և Ճապոնիայի ժողովուրդներին անկեղծ կարծիքների և խորհուրդների փոխանակման համար։
 
 
Ֆուկուշիմա Մասանորի
Օգոստոս, 2021 թ


2. Կոնտակտային տեղեկատվություն և դեսպանության աշխատանքային գրաֆիկ 
            Սեղմեք նկարի վրա՝ մեծացնելու համար

[Կոնտակտային տեղեկատվություն]

    Հասցե՝ ՀՀ,  ք. Երևան, Բաբայան 23/4

    Հեռախոս՝ (+374 11) 52 30 10

    Էլ. հասցե՝  embjp@yv.mofa.go.jp

    Հեռախոսահամար դեսպանության ոչ աշխատանքային ժամերին արտակարգ դեպքերում՝ (+374 41) 43 41 45

 
[Դեսպանության աշխատանքային գրաֆիկ]
     Երկուշաբթի – Ուրբաթ (Ոչ աշխատանքային օր՝ Շաբաթ և Կիրակի)
     9:15 – 18:00
 
[Հյուպատոսական բաժնի աշխատանքային գրաֆիկ]

 ※ Սկսած նոյեմբերի 3-ից ՀՀ-ում Ճապոնիայի դեսպանության հյուպատոսական բաժինը հասանելի կլինի միայն նրանց համար, ովքեր նախապես այց կգրանցեն: Մանրամասների համար սեղմեք այստեղ:


     Երկուշաբթի – Ուրբաթ (Ոչ աշխատանքային օր՝ Շաբաթ և Կիրակի)` 
     9:15 – 13:00, 14:00 – 17:00
     Անձնագրերի, վիզաների, արտերկրում քվեարկության հարցերով փաստաթղթերի ընդունում՝ 14:00 – 17:00
     Անձնագրերի, վիզաների, արտերկրում քվեարկության հարցերով փաստաթղթերի տրամադրում՝ 10:00 – 13:00