Գլխավոր | Դեսպանություն | Հայ-Ճապոնական հարաբերությունները | Վիզա և Տուրիզմ | Մշակույթ և Կրթություն | Ճապոնիայի արտաքին քաղաքականությունը | Հղումներ

Մարդկային անվտանգության «Grassroots» ծրագրերին ուղղված դրամաշնորհային աջակցության շրջանակներում կայացավ «Ղուկասավան գյուղում ՏՏ մասնագիտական կենտրոնի հիմնադրման ծրագրի» պայմանագրի ստորագրման արարողությունը

     2018 թվականի փետրվարի 23-ին ՀՀ Արարատի մարզի Ղուկասավան գյուղում կայացավ «Ղուկասավան գյուղում ՏՏ մասնագիտական կենտրոնի հիմնադրման ծրագրի» պայմանագրի ստորագրման արարողությունը՝ Մարդկային անվտանգության «Grassroots» ծրագրերին ուղղված դրամաշնորհային աջակցության շրջանակներում: Արարողությանը ներկա էին ՀՀ-ում Ճապոնիայի արտակարգ և լիազոր դեսպան պարոն Էյջի Տագուչին, ինչպես նաև Ղուկասավանի համայնքապետ պարոն Արա Վարդանյանը, ՀՀ կրթության և գիտության նախարար պարոն Լևոն Մկրտչյանը, ՀՀ Ազգային ժողովի պատգամավոր, ՀՀ ԱԺ Հայաստան-Ճապոնիա բարեկամական խմբի ղեկավար պարոն Սամվել Ֆարմանյանը, ՀՀ Ազգային ժողովի պատգամավոր պարոն Աղվան Վարդանյանը, ՀՀ Արարատի մարզպետ պարոն Արամայիս Գրիգորյանը և այլ հյուրեր:  
 
     Ծրագրի նպատակն է Ղուկասավան գյուղի և շրջակա համայնքների` աղքատության և գործազրկության բարձր ցուցանիշների պայմաններում բնակվող շուրջ 3000 երիտասարդների համար ապահովել մասնագիտական ուսուցում` գյուղում ստեղծելով ՏՏ ուղղվածության մասնագիտական կենտրոն: Ճապոնիայի կառավարությունը աջակցում է շենքի կառուցման և վերջինս ՏՏ սարքավորումներով վերազինելու գործում: Ծրագիրը իրականացվում է «Հայաստանի առաջնորդության դպրոցի» հետ համատեղ, վերջինս մշակել է ծրագրի գաղափարը և կենտրոնն ապահովելու է նշանակալից կրթական ծրագրով:
 
Ծրագրի անունը`        Ղուկասավան գյուղում ՏՏ մասնագիտական կենտրոնի հիմնադրման ծրագիր
                                                (ՀՀ Արարատի մարզի Ղուկասավան գյուղում)
Շահառու`                     Ղուկասավանի համայնքապետարան
Դրամաշնորհի չափը` 88,078 ԱՄՆ դոլար ( 9,688,580 ճապոնական յեն)
Դրամաշնորհի պայմանագրի ստորագրման ամսաթիվը` Փետրվարի 23, 2018
 
                   
                                           
                       Ավանդական ընդունելության արարողություն        Ավանդական պար աշակերտների կատարմամբ
                                           աշակերտների կողմից 
 
                                            
                              Պարոն Վարդանյանի ողջույնի խոսքը                 Դեսպան Տագուչիի շնորհավորական ուղերձը
 
                                             
                             Դրամաշնորհի պայմանագրի ստորագրումը          Դեսպան Տագուչիի և պարոն Վարդանյանի
                                                                                                                                     ամուր ձեռքսեղմումը 

                                            
                                      Նախարար Մկրտչյանի խոսքը                            Տեղի բնակչությունը ներկայացնող 
                                                                                                                                  աշակերտների խոսքը

                                                                     
                                                                               Կենտրոնի կառուցման վայրը